YANZU-YANZU: A Karshe Dai Musulmi Ya Zama Sarkin Billiri (Mai Tangale) Dake Jihar Gombe

Daga Comr Abba Sani Pantami

Bisa doka da ikon da aka ba shi a karkashin Dokar masarauta ta Gombe, bisa shawarar da Sarakunan Tangale suka bayar, Gwamnan Gombe, Alhaji Muhammadu Inuwa Yahaya, ya amince da nadin Malam Danladi Sanusi Maiyamba a matsayin sabon sarkin Billiri Mai Tangle.

Kwamishinan, Ma’aikatar kananan hukumomi da al’amuran masarauta, Hon. Ibrahim Dasuki Jalo wanda ya isar da amincewar Gwamnan kuma ya gabatar da nadin daga baya ga sabon Mai Tangle a Poshiya, Billiri, ya ce nadin Malam Danladi Maiyamba an sanar da shi ne ta hanyar halayensa da cancantarsa.

Bikin gabatarwar ya samu halartar Shugaban karamar hukumar Billiri, Sarakuna 9 na masarautar Billiri, mambobin majalisar gargajiya da sauran masu aiki.