Get real time updates directly on you device, subscribe now.
Babban taron mata na kasashen Arewacin Amurka da Afirka da na gabas ta tsakiya, watau SAMEAWS 2018 ta zabi Hajiya Hadiza Muhammad Abdullahi Abubakar a matsayin shugaba da ta yi fice.
An ba ta kyautar ne a yayin taron kungiyar ta 2018 da a ka yi a birnin Dubai.
Kungiyar SAMEAWS ta ce ta zabi uwargidan Gwamnan ne saboda gudumawar da ta ke bayar wa wurin inganta rayuwar mata da matasa a jihar Bauchi karkashin shirinta na (BSWEEP).
Haka kuma an bai wa Hajiya Hadiza takardar shaidar girmamawa daga Georaia a taron.
Mataimakin gwamna na musamman kan harkokin sadarwa, Shamsuddeen Lukman Abubakar ya ce daga karshe Uwargidan gwamnan ta gabatar da takarda a wurin taron mai taken inganta rayuwar mata da kananan yara mai dorewa a jihar Bauchi.
