Shugaba Buhari Ya Bada Umurnin Tura Karin Sojoji Dubu Shida Zuwa Jihar Zamfara

0

Get real time updates directly on you device, subscribe now.

Daga Comr Abba Sani Pantami

Shugaba Muhammadu Buhari ya bada umurnin girke karin sojoji 6,000 a Jihar Zamfara domin shawo kan matsalolin tsaron da suka addabi Jihar da suka hada da hare-haren ‘yan bindiga da na masu garkuwa da mutane.

Gwamnan Jihar Bello Matawalle ne ya bayyana haka a jawabin da ya yi wa al’ummar jihar, bayan ziyarar da ya kai Abuja inda ya gana da shugaban kasar da kuma masu ruwa da tsaki kan harkokin tsaron.

Matawalle yace wadannan sojojin 6,000 kari ne kan wadanda ake da su yanzu haka, ganin yadda matsalolin tsaron ke cigaba da ta’azzara, kuma zasu isa jihar nan bada dadewa ba.

Wasu Abubuwan Masu Alaka
1 of 732

Gwamnan yace shugaba Buhari ya amince da lokacin da aka diba domin shirin afuwar da suka gabatarwa yan bindigan domin aje makaman su, ganin nasarorin da aka samu.

Matawalle yace duk da wadannan nasarori akwai wadanda suka ki aje makamai, kana kuma akwai masu yiwa shirin nasu zagon kasa a ciki da wajen jihar. Gwamnan ya bayyana daukar wasu matakai da ake ganin zasu taimaka wajen dakile aikata laifuffukan da suka hada da hana tafiye tafiye ga Sarakuna da shugabannin kananan hukumomi domin sanya ido kan bakin dake zuwa yankunan su. Gwamnatin jihar ta kuma haramta daukar fiye da mutuum guda a babur da kuma hana tafiyar tawagar Babura yankunan jihar, inda aka bukaci jami’an tsaro da su kama wadanda suka sabawa umurnin.

A karshe Gwamnan ya jaddada haramta ayyukan Yan Sakai a fadin jihar, yayin da yake cewa duk wanda aka gani dauke da bindiga za’a hukunta shi.

Arewablog Data Bundle Ads

Get real time updates directly on you device, subscribe now.

Leave A Reply

Your email address will not be published.

This site uses Akismet to reduce spam. Learn how your comment data is processed.

%d bloggers like this: