Labarai

Sanata Uba Sani Ya Kawo Kudurin Sanya Dokar Kawo Karshen Haramtattun Makamai A Nijeriya

Sanatan Kaduna ta tsakiya Malam Uba Sani a ranar Litinin ya halarci zama domin tabbatar da tsaro ta hanyar kwaskwarima ga tsarin makamai a Nijeriya. Sanatan ya fitar da sanarwa a shafin sa na Twitter yana “Cewa na zauna da Kwamitin hadin gwiwa na majalisar dattijai kan harkokin shari’a, ‘yancin dan adam da lamuran shari’a, rundunar sojan ruwa da na safarar jiragen ruwa a yau sun sami nasarar sauraron ba’asin jama’a game da Dokar Bindigogi na (Kwaskwarimar 2021 BILL.

Taron ya samu halartar jama’a da dama Haka ma Shugaban Majalisar Dattawan ya samu wakilcin Sanata Ajayi Boroffice, Mataimakin Shugaban Masu Rinjaye na Majalisar. An fitar da mahalarta daga manyan jaruman hukumomin tsaro na kasar, da masana harkokin shari’a da tsaro da kuma masu fafutuka na kungiyoyin farar hula. An gabatar da jawabai a wurin jin ra’ayoyin ne daga rundunar Sojojin Najeriya, da Sojojin Saman Najeriya, da Sojojin ruwa, da Hukumar Kwastam, Hukumar Kula da Shige da Fice ta Nijeriya da kuma Hukumar sake fasalin dokokin Nijeriya”, Inji Sanatan

Har’ila yau Sanatan Ya ce a taron an bayar da gudummawa masu mahimmanci da hangen nesa da tasiri sosai dukkanin mahalarta sun amince da Kira tare da gaggauta zartar da Dokar.

Manufar dokar gyaran tsarin Makamai, 2021 na neman sanya hukunci mai tsauri kan laifuka a cikin tsarin dokar da kuma tanadin lalata bindigogin da aka shigo da su ba bisa ka’ida ba cikin kasar ko kuma mallakar mutane ba tare da ingantattun lasisi ba.

Babban makasudin yin kwaskwarimar shi ne takaita yaduwar makamai ba bisa ka’ida ba da kuma samar da dokar da ta dace da kyawawan halaye na duniya. Gyaran zai kuma magance wasu matsalolin tsaro da suka addabi Nijeriya a halin yanzu.

Related Articles

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Back to top button
%d bloggers like this: