Mu Guji Tashin Hankali Akan Zabe, Sakon Kwankwaso Ga Magoya Bayansa

0

Get real time updates directly on you device, subscribe now.

Talla

Tsohon gwamnan jihar Kano Sanata Rabi’u Musa Kwankwaso ya yi kira ga magoya bayansa da su guji tayar da hankali bayan zaben shugaban kasa da na ‘yan majalisar dokokin tarayya.

Sanata Kwankwaso, wanda shi ne jagoran jam’iyyar PDP a jihar ta Kano, ya yi wannan kira ne bayan jam’iyyar APC ta yi nasara a kujerun majalisar dattawa da ta wakilai da ma shugaban kasa a jihar.

Talla

Ya ce za su dauki matakai na shari’a domin tabbatar da cewa rashin adalcin da aka yi musu bai dore ba.

A cewarsa, “Ina so na jawo hankalinmu cewa zaman lafiya shi ya fi komai muhimmanci; ka da wani ya dauki doka a hannunsa a kan wannan zabe.

“Muna fata mutane za su ci gaba da shirye-shirye na zaben gwamna da na ‘yan majalisar dokokin jiha.”

Talla
Wasu Abubuwan Masu Alaka
1 of 661

Ya kara da cewa sakamakon zaben shugaban kasa na ci gaba da nuna cewa babu tabbas kan wanda zai yi nasara har sai an kammala bayyana sakamakon.

Sanata Kwankwaso ya yi kira ga magoya bayansa musamman a jihar Kano da su sake daura damara domin kayar da Gwamna Abdullahi Umar Ganduje.

Gwamna Ganduje dai ya raba gari da Sanata Kwankwaso ne tun bayan da ya hau kan mulki a 2015.

#Rariya

Arewablog Data Bundle Ads

Get real time updates directly on you device, subscribe now.

Leave A Reply

Your email address will not be published.

This site uses Akismet to reduce spam. Learn how your comment data is processed.

%d bloggers like this: