Labarai

Kungiyar IPOB sun Kone Wata Mota kurmus tare da fasinjoji dake cikin motar

Daga: Tukur Sani Kwasara
An kona wani fasinja kurmus a cikin wata mota bayan umarnin zaman gida da haramtacciyar kungiyar IPOB ta bayar a yankin Kudu masu Gashin Najeriya ya rikide zuwa tashin hankali.

Fasinjan ya makale a ne cikin daya daga cikin motocin bas din da suka fito daga garin Umuahia na Jihar Abia, a lokacin da fusatattun magoya bayan haramtacciyar kungiyar suka ritsa su a unguwar Nkwogu, da ke Karamar Hukumar Ahiazu Mbaise ta Jihar Imo a safiyar Litinin.

’Yan IPOB din harbi direban motar a kugu, sannan suka harbe tayoyin motar; Ganin haka sai fasinjojin suka ce fara guduwa domin tsira da rayukansu, daga baya masu boren suka cinna wa motar wuta.

Umarnin na IPOB ya tsayar da harkokin kasuwanci da kuma rufe makarantu, da kuma hana gudanar jarbawar kammala sakandare na NECO da dalibai ke kan rubutawa.

A baya-bayan nan IPOB ta kai farmaki da dama a Jihar Imo, inda ta kai munanan hare-hare tare da kashe jami’an tsaro da kona ofisoshin ’yan sanda da sauran gine-ginen gwamnati.

Wakilinmu ya ce an yi ta jin karar luguden wuta a yankin Banana Junction da ke kan hanyar Orlu zuwa Owerri, a lokacin da ’yan bindiga suka yi musayar wuta da jami’an tsaro.

Mun yi kokarin samun karin bayani daga kakakin ’yan sandan Jihar Imo, CSP Mike Abattam, amma bai amsa ba,

Related Articles

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Back to top button
%d bloggers like this: