Jam`iyyar APC kadaice ta kafa tarihin da babu irin sa a faɗin Afrika -Yahya Bello

Daga El-farouq jakada

Gwamnan Jahar kogi ya bayyana jam’iyyar su ta APC ɗaya tamkar goma wanda tayi ayyukan da babu jam’iyar data yisu a duk fadin Afrika.

Ya bayyana Hakane a jiya wajen taron rantsar da Komittin canyo ra’ayoyin jama’a akan jam’iyyar ta Apc daya gudana a jiyan.

Bello ya ƙara da cewa jam’iyyar tasu kaɗai ta kawo cigaban da saidai a kwaikwayi halin ta, matuƙar ana son cigaban koda bayan babu su.

“wannan ba yinmu bane duk zaɓen da ake gudanarwa a jahar kogi muke cinsa , inada tabbas ɗin zamu cigaba da cinsa matuƙar za’ayi”,. Inji shi

Kamar yanda jaridar the cables ta ruwaito gwamnan ya ayyana jam’iyyar da ga-ga-ra-badau a jerin sauran jam’iyun siyasar Kasar nan.