Gwamna Inuwa Ya Kaddamar Da Allurar Rigakafin Cutar Corona A Jihar Gombe

0

Get real time updates directly on you device, subscribe now.

Daga Haji Shehu

Gwamnan jihar Gombe, Muhammadu Inuwa Yahaya ya kaddamar da allurar rigakafin cutar Korona a hukumance a jihar.

Likitan gwamnan Dakta Bello Abdulkadir ne ya yiwa gwamnan Allurar ta kamfanin AstraZeneca a babban dakin taron gidan Gwamnatin jihar Gombe.

Da yake jawabi jim kadan bayan an yi masa allurar, Gwamnan ya ce samarda allurar rigakafin na Covid-19 alamu ne dake nuni da al’amura zasu daidaitu a hankali.

Gwamnan ya kara da cewar, zuwan rigakafin zai kawo karshen tarnakin da cutar ta yiwa harkar sufuri da kuma aiki.

Wasu Abubuwan Masu Alaka
1 of 732

Inuwa ya bukaci masu rike da mukaman siyasa, shugabannin addini da na gargajiya da su goyi bayan aiwatar da allurar rigakafin ta Covid-19 a duk fadin kananan hukumomin jihar.

Jihar Gombe ta karbi jimilar allurai 71,340 daga Gwamnatin Tarayya ta hannun Hukumar Bunkasa Kiwon Lafiya a Matakin Farko.

Gwamna Inuwa ya bada tabbacin cewa gwamnatinsa za ta ci gaba da bada muhimmanci ga lafiyar ‘yan kasar, yana mai cewa a matsayinsa na Gwamnan jihar alhaki ne akansa ya tabbatar da lafiyar jama’a da jin dadinsu da kuma basu kulawa yadda ake bukata.

RAHOTON INUWA 4+4 TV

Arewablog Data Bundle Ads

Get real time updates directly on you device, subscribe now.

Leave A Reply

Your email address will not be published.

This site uses Akismet to reduce spam. Learn how your comment data is processed.

%d bloggers like this: