Faransa ta fara cin kwallo ta hannun Olivier Giroud, sai Paul Pogba ya kara ta biyu, Dimitri Payet ne ya ci ta uku, sannan Antoine Griezman ya ci ta hudu daf da za a je hutun rabin loaci.
Bayan da aka dawo daga hutu ne Iceland ta ci kwallo ta hannun Kolbeinn Sigthorsson da kuma wadda Birkir Bjarnason ya ci daf da za a tashi daga karawar, kafin nan Faransa ta ci kwallo na biyar ta hannun Olivier Giroud.
I zuwa yanzu Antoine Griezman ne ke kan gaba a matsayin wanda ya fi cin kwwallaye a gasar, Inda ya zura hudu a raga a wasannin.
Da wannan sakamakon Faransa mai masaukin baki, za ta kara da Jamus a wasan daf da karshe a ranar Alhamis a Marseille.
Jamus ta kai wasan daf da karshe ne a gasar, bayan da ta fitar da Italy a bugun fenariti da ci 6-5, bayan da suka tashi wasa kunnen doki 1-1.
Add Comment