Labarai

An Tuɓe Shugaban Limaman Masallacin Annabi Saboda Jinkirin Tayar Da Sallar Asuba

Shugaban Masallatai biyu mafi daraja a Saudiyya Sheikh Abdul Rahman Al Sudais ya tuɓe Daraktan da ke kula da limamai da ladanai a masallacin Manzon Allah a Madina.

An tuɓe shi ne saboda samun jinkirin tayar da sallar Asuba bayan an kira Sallah na tsawon minti 45, kamar yadda Hukumomin da ke kula da Masallatan Makkah da Madina a Saudiyya, Haramain Sharifain suka sanar.

Sanarwar da aka wallafa a Facebook ta ce shugaban Masallatan Sheikh Abdul Rahman Al Sudais ya buƙaci a samar da liman biyu a ko wace Sallar farilla.

“Liman na biyu zai kasance ne idan na farko ya makara,” in ji sanarwar.

Sabon matakin kuma ya shafi har da ladanai, inda sanarwar ta ce yanzu ladanai uku za a naɗa a ko wace Sallar Farilla. Ɗaya zai kira Sallah, ɗaya kuma ya tayar da Iƙama, ɗayan kuma zai kasance idan an samu jinkirin fitowar ladanan.

MAJIYA: BBC

Related Articles

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Back to top button
%d bloggers like this: